Umbrot á bók og hönnun á bókakápu

Frásögn sem gerir andlitið fagurt

Bókin var brotin í Indesign og rétt stílsnið gerð. Myndir voru unnar í Photoshop, settar inn í texta á viðeigandi stað og myndatextar samdir. Kreditlisti gerður samkvæmt fyrirmælum og efnisyfirlit líka.

​

Allar bókakápur sem ég sá frá fyrri árum lögðu áherslu á hús og kulda, svo ég vildi finna nýjan vinkil á hönnunina. Ég valdi að grípa titilinn á bókinni „Frásögn sem gerir andlitið fagurt“ og hugsaði mér strax að fela andlit í geislum, sem annað hvort stöfuðu frá andlitinu eða lýstu það upp, og var búin að skissa niður nokkrar hugmyndir. Aðalmyndin er af jökli við sólsetur, og nýtti ég mér sólargeislana til að lýsa upp andlit, sem ég lagaði að útlínum jökulsins, og hafði hálfgegnsætt.

 

Í fyrsta kafla bókarinnar er húsi Péturs lýst. Það hafði staðið autt í nokkurn tíma og var með hlera fyrir gluggunum svo ég fann mynd sem mér fannst passa þeirri lýsinguog setti á baksíðu kápunnar.

 

Ég myndi sjálf grípa þessa bók og athuga um hvað hún væri, svo vonandi hef ég náð að gera bókarkápu sem vekur athygli og hæfir titli og innihaldi bókarinnar.